Lirik Lagu Gayo – Môsem Bêrumê

Penyanyi/Vocal: Ivan WY & Yane
Pencipta/Cipt : Uden Ceh

 

Mari luês bêlang ôjông ni kêmarô
(Rêsam bêrumê malë i mulon)
(Rêsam bêrumê malë i mulon)
Lintês ni kêlamôn i baôr ni Cêmpêgê
(Imô mêntaôk i Kêliêtên)
(Imô mêntaôk i Kêliêtên)

Mubêntang kêdôt i Ôjông Barô
(Sawah ku Pêndêrê ku Ôneng Nikên)
(Sawah ku Pêndêrê ku Ôneng Nikên)
Ngê ara tênê laô malë urên

Sêdiê têrsek bêlah bêlidê sapat musêdê
Tôrôn ku umê bêsilô malë i mulon

I têbês kêrpe rêrakpë i rikê
(Patal i têrlis sagi nti lupên)
(Patal i têrlis sagi nti lupên)
Raom ken sême bêrpeleh têrmulô
(Isuk sême sara pêdên)
(Isuk sême sara pêdên)

Bêta pêrintah ari kêjôrôn mudê
(Simurikê langkah mubilang ulên)
(Simurikê langkah mubilang ulên)
Tôrôn ku umê oya mupêratôrên

I pantek têrsek tali i rêgang ringkêl murêntang
Tômpet rôm mêne bêlê oya kati kabang

Rêsam bêrumê ari masa sêdêngê
I tôtôr ni têtuê sawah ku simêmudê
Mubilang ulên munapat ni kêtikê
Tôrôn ku umê kêjôrôn turah mulô turah mulô

Bêta lê kirê i masa sêdêngê
Bêta lê kirê i masa bêsilô
Bêta lê kirê rêsame
Ari Takengên ku Simpang Tigê
I Tingkêm purên i Towërên têrmulo

Ari mumêlah sawah ku muduê
(Bêratur wais ku wanni umê)
(Bêratur wais ku wanni umê)
Raom bêrtomang i lamôt sêdiê
(Sawah ku mumiyô sênuên bêrjêgê)
(Sawah ku mumiyô sênuên bêrjêgê)

I pêdên munôleng mujaek pë kirê
(Sawah ku kêbên raom bêrjulê)
(Sawah ku kêbên raom bêrjulê)
Oya lê rêsam tôrôn ku umê i Gayô

Ari jêmênmi sawah bêsilô rêsam bêrumê
Bêta i Ukên bêta kirê i Toa sô

 

_____________________

 

Yusdi Darma

 

NB:
e=ego,dll (a b c d e f)
ë=ekonomi,elektro,edan,edit,dll
ê=elang, emas,embun,empat,dll
o=orang,obat,obeng,opini,dll (k l m n o p)
ô=oke,om,ohm,dll

158

Posted on 12 Oktober 2014, in Ivan WY, Lirik Lagu, Uncategorized and tagged , , , , , , , , , , , , , , , , . Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: