Lirik Lagu Gayo – Kalang Manôk

Penyanyi/Vocal:  Wen & Dhani
Pencipta/Cipt  :  Ibrahim Rado

 

Ô…ô…manôk
Ô…ô…manôk

Urên ôyôh êngê cicô têrbang sebôk
Bêta rupê i dêniê ko lê manôk

I ëngon kôpe sô manôk kalang
Lintês têmêrbang pulêlingang putêtayang
Sipêtte ngê kitê ërah ari si dêle olok bêrubah
Gêrê panganne nise uah nyataie dôh olok di payah
Munêmah saket ni ate
Kalang manôk…kalang manôk wô…kalang

Pukêkêlek têrbang mulintês
Kôrek etek êmëh nyêrek kêrna gintês
Sipêt ni kalang asa ngê bêta
Sirê mutêrbang juah di mata
Bêrbilang kêpëk têrhola
Kôrek sêdang gêrê mêteh mara
Nyanya bang akhere
Kalang manôk…kalang manôk wôw…wô…kalang

Ô…ô…manôk
Ô…ô…manôk

Atan kayu pêdiangmu tôngôl bôrôk
Gêrê dêmu rêjêkimu ko pêbêrgôk

Munanten lale ni kôrek silêp
Kalang pêjunte sôngôh nate ênêp-ênêp
Ari mulape gêrê bêrmangan
Kôrek si kaôle rênyêl i têngkaman
Rusak ni ate gêrê têrumpaman
Sôntôk sabe lê i osah pakan
Ken pêrinên gêrê musampe
Kalang manôk…kalang manôk wôw…wô…kalang

Ara têrcêcêrak mêjên têrcêcari
Daôp sara bangsa gêrê mêra wë sêmpasi
Sêntan dêmu sôntôk wan rêmông
Sabe diri we pe bêrsabông
Nôrôhi lamat ku sêsara kampông
Si munengon pubêbengông
Murêrêlông rasa ni ate
Kalang manôk…kalang manôk wôw…wô…kalang

Kalang manôk

 

_____________________

 

Yusdi Darma

 

NB:
e=ego,dll (a b c d e f)
ë=ekonomi,elektro,edan,edit,dll
ê=elang, emas,embun,empat,dll
o=orang,obat,obeng,opini,dll (k l m n o p)
ô=oke,om,ohm,dll

79

Posted on 7 Agustus 2013, in Lirik Lagu, Pong, Uncategorized and tagged , , , , , , , , , , , , , , , , , , , , , , , , . Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: